စိုက်ပျိုးထုတ်လုပ်ရေးသမဝါယမအသင်းများသို့
အသေးစားအရင်းအနှီးချေးငွေ ကျပ်သန်းပေါင်း ၅၁၅၀၀၀ နှင့်
လယ်ယာသုံးစက်ကိရိယာများ တန်ဖိုး ကျပ်သန်းပေါင်း ၁၁၄၁၉ ပေးအပ်
လယ်ယာသုံးစက်ကိရိယာများ တန်ဖိုး ကျပ်သန်းပေါင်း ၁၁၄၁၉ ပေးအပ်
စိုက်ပျိုးထုတ်လုပ်ရေးသမဝါယမအသင်းများသို့ အသေးစားအရင်းအနှီးချေးငွေ ကျပ်သန်းပေါင်း (၅၁၅၀၀၀)နှင့် လယ်ယာသုံးစက်ကိရိယာများ တန်ဖိုး ကျပ်သန်းပေါင်း(၁၁၄၁၉) ပေးအပ်ပွဲ အခမ်းအနားကို ဇန်နဝါရီလ ၆ ရက် နံနက်(၀၉၀၀)နာရီတွင် နေပြည်တော် စိုက်ပျိုးရေး ၊ မွေးမြူရေးနှင့် ဆည်မြောင်း ဝန်ကြီးဌာန ပြည်ထောင်စုဝန်ကြီးရုံး၌ ကျင်းပပြုလုပ်ရာ အခမ်းအနား သို့ ပြည်ထောင်စုဝန်ကြီး ဒေါက်တာ အောင်သူ ၊ ဒုတိယဝန်ကြီး ဦးလှကျော် ၊ အမြဲတမ်းအတွင်းဝန်များ နှင့် ညွှန်ကြားရေးမှူးချုပ်များ ၊ ဗဟိုသမဝါယမအသင်း ဥက္ကဌ ဦးခင်မောင်အေး ၊ တိုင်းဒေသကြီး နှင့် ပြည်နယ်များမှ သမဝါယမ အသင်းစုချုပ် ဥက္ကဋ္ဌများ ၊ ဌာနဆိုင်ရာ တာဝန်ရှိ သူများ ဖိတ်ကြားထားသူများ စုံညီစွာတက်ရောက်ကြသည်။
အခမ်းအနားတွင် ပြည်ထောင်စုဝန်ကြီးက အဖွင့်အမှာစကားပြောကြားရာ၌ ၂၀၁၆ ခုနှစ်၊ ဇူလိုင်လတွင် ထုတ်ချေးပေးခဲ့သော အသေးစား အရင်းအနှီးချေးငွေများအား ပျက်ကွက်သူမရှိ ရာနှုန်းပြည့် ပေးဆပ်ကြသည့်အတွက် သမဝါယမ အသင်းသား တောင်သူဦးကြီးများ ၊ သမဝါယမ ဦးစီးဌာနနှင့် အသင်းအဆင့်ဆင့်မှ တာဝန်ရှိသူများ အားလုံးတို့ကို အထူးကျေးဇူးတင်ရှိပါကြောင်း၊ ယခုကဲ့သို့ အပြေအကျေ ပေးဆပ်ကြသည့် အလေ့အကျင့် ကောင်းများကို ဆက်လက်ထိန်းသိမ်းကြဖို့ လိုအပ်ပါကြောင်း ထည့်သွင်းပြောကြားခဲ့သည်။
ယခုအကြိမ် သမဝါယမ အသေးစားအရင်းအနှီးချေးငွေ ထုတ်ချေးပေးခြင်းသည် အစိုးရသစ် လက်ထက်တွင် ဒုတိယအကြိမ်မြောက် ထုတ်ချေးပေးခြင်း ဖြစ်သည်။
အခမ်းအနားတွင် ပြည်ထောင်စုဝန်ကြီးက အဖွင့်အမှာစကားပြောကြားရာ၌ ၂၀၁၆ ခုနှစ်၊ ဇူလိုင်လတွင် ထုတ်ချေးပေးခဲ့သော အသေးစား အရင်းအနှီးချေးငွေများအား ပျက်ကွက်သူမရှိ ရာနှုန်းပြည့် ပေးဆပ်ကြသည့်အတွက် သမဝါယမ အသင်းသား တောင်သူဦးကြီးများ ၊ သမဝါယမ ဦးစီးဌာနနှင့် အသင်းအဆင့်ဆင့်မှ တာဝန်ရှိသူများ အားလုံးတို့ကို အထူးကျေးဇူးတင်ရှိပါကြောင်း၊ ယခုကဲ့သို့ အပြေအကျေ ပေးဆပ်ကြသည့် အလေ့အကျင့် ကောင်းများကို ဆက်လက်ထိန်းသိမ်းကြဖို့ လိုအပ်ပါကြောင်း ထည့်သွင်းပြောကြားခဲ့သည်။
ယခုအကြိမ် သမဝါယမ အသေးစားအရင်းအနှီးချေးငွေ ထုတ်ချေးပေးခြင်းသည် အစိုးရသစ် လက်ထက်တွင် ဒုတိယအကြိမ်မြောက် ထုတ်ချေးပေးခြင်း ဖြစ်သည်။
No comments:
Post a Comment